O barco do Nadal de Mar de Ons ilumina a ría

Naviera Mar de Ons ofrece, por terceiro ano consecutivo, a posibilidade de gozar destas festas desde o mar a bordo do Barco do Nadal. Unha travesía exclusiva de hora e media pola ría nun dos catamaráns máis grandes da compañía: Mar Vigo, decorado para a ocasión con máis de 65.000 luces microLED.

O Nadal de Vigo chega tamén á Ría de Vigo, para que vigueses e turistas poidan navegar polo interior da ría nun ambiente típico do Nadal. Para iso, a Naviera Mar de Ons destina a súa embarcación Mar Vigo, iluminada con máis de 65.000 luces microled, para realizar estes exclusivos paseos marítimos nos que o Nadal será a protagonista a bordo, ofrecendo unha alternativa de lecer diferente e orixinal para todos os públicos. Durante as dúas primeiras edicións, foron 5.000 persoas as que se subiron a bordo de O Barco do Nadal.

Papá Noel, o Paxe Real de Oriente ou o Grinch acompañan os pasaxeiros neste cruceiro con saídas que esta temporada empezaron o sábado 25 de novembro e que se estenden ata o domingo 7 de xaneiro. Durante o percorrido, a pasaxe goza de boa música da man dun DJ. A viaxe recíbenos con viño quente e pastas, e a cantina permanece aberta para que non falte de nada nesta travesía.

Máis información na web mardeons.com.