Amigos da Ópera recupera os espectáculos no ciclo Otoño Lírico

O festival de ópera de Vigo Otoño Lírico, organizado por Amigos de Ópera de Vigo estará formado por dúas óperas e outros sete eventos. Os compositores Verdi e Donizetti son os grandes protagonistas.

O festival de Ópera de Vigo volverá ter ópera representada por primeira vez tras a pandemia. Así o soubemos esta mañá da man dos organizadores, a Asociación Amigos de la Ópera Vigo, que este ano fai 65 anos. A cita será o día 5 de novembro con Don Pasquale, de Gaetano Donizetti, a última gran ópera bufa do bel canto italiano. Eugenia Corbacho, na dirección escénica e fiel ao seu imaxinario, ofrecerá unha proposta hilarante, cun sorprendente final, no que non hai nin vencedores nin vencidos e todos son vítimas da situación disparatada que crearon. O elenco está formado por Fernando Latorre, Natalia Labourdette, Jesús León e Fernando Campero, baixo a dirección musical de Manuel Coves.

Antes, o 15 de outubro, representarase en versión concerto semiescenificado, O Trobador, de Giuseppe Verdi. Coa dirección escénica de Ignacio García e cun elenco formado por Alejandro Roy, Iwona Sobotka, María Luisa Corbacho, Javier Franco, David Lagares, César Gutiérrez e Mariña Penas, quen estarán baixo a dirección do galego Diego García Rodríguez. En ambos os títulos, estarán presentes a Orquestra Sinfónica Vigo 430 e o coro Rías Baixas.

As entradas adquírense en Ataquilla por un prezo de entre 20,00 € e 65,00 € . Os socios teñen un desconto do 50 % nunha lñocalidade. Para beneficiarse deste desconto recibirán un código desde a organización.

Ademais dos dous espectáculos, volve o ciclo Ópera en el cine, no Auditorio Municipal do Concello de Vigo, que proxecta en pantalla de cinema grandes títulos operísticos para promover a difusión do xénero. Este ano Verdi e Donizetti son os protagonistas. Tamén se levará a cabo o programa Hablemos de… , habitual ciclo de conferencias, didácticas e formativas, relacionadas coas diferentes actividades que conforman o festival. Todas teñen lugar na Sala de Conferencias da Sede Social de Afundación.

Programa Otoño Lírico

Presentación do libro Melodías Esquecidas. Un século de escena Lírica en Vigo (1.832-1.931)
27 de setembro de 19:30 h – Casa del libro – Entrada de balde

Intervirán o seu autor, Carlos E. Pérez e Anxo Lorenzo, Daniel Diz e Francisco Castro. Antes do reinado do cinema, o espectáculo lírico formou parte cotiá do ámbito cultural dunha cidade emerxente como Vigo. “Melodías e voces esquecidas. Un século de escéna lírica en Vigo (1832-1931)” debuxa un retrato fidedigno dese efervescente período de actividade musical, percorrendo os grandes e modestos espazos escénicos, a evolución de xéneros e repertorios, a organización das tempadas líricas e o impacto dos grandes divos do momento.

Novas voces da lírica galega
30 de setembro ás 20:00 h – Auditorio Martín Códax no Conservatorio Superior de Música – Entrada de balde

Susana García (soprano) e Cristina Ledo Iglesias (piano). Arias de ópera, Romanzas de Zarzuela e cancións de autores como Donizetti, Mozart, Rossini, Thomas, Granadeiros, Vives, Obradors, Chapí e Giménez.

ÓPERA EN EL CINE: Otello
5 de outubro ás 19:30 h – Auditorio Municipal do Concello de Vigo – Entrada de balde

Ópera de Verdi gravada. Aleksadrs Antonenko, Marina Poplasvskaya, Carlos Álvarez, Stephen Costello. Dir. Ricardo Mutti (Salzburgo. 2008).

HABLEMOS DE… Il Trovatore o la oscura ley del destino
14 de outubro ás 19:30 h – Sala de Conferencias do Centro Social Afundación – Entrada de balde

Mesa redonda a cargo de Diego García Rodríguez (director musical), Ignacio García (director de escena) e diferentes membros do elenco.

ÓPERA: Il Trovatore
15 de outubro ás 19:00 h – Teatro Afundación – Desde 20,00 €

Ópera de Giuseppe Verdi. Libreto de Salvatore Cammarano e Emanuele Bardare. Estrenada el 19 de xaneiro de 1853 no Teatro Apolo (Roma).

ÓPERA EN EL CINE: Lucia di Lammermoor
26 de outubro ás 19:30 h – Auditorio Municipal do Concello de Vigo – Entrada de balde

Ópera de Donizetti. Anna Netrebko, Piotr Beczala, Mariusz Kwiecien, Ildar Abdrazakov. Dir. Marco Armiliato (Covent Garden. 2009).

HABLEMOS DE… Don Pasquale. What Else?
4 de novembro ás 19:30 h – Sala de Conferencias do Centro Social Afundación – Entrada de balde

Mesa redonda a cargo de Manuel Coves (director musical), Eugenia Corbacho (directora de escena) e diferentes membros do elenco.

ÓPERA: Don Pasquale
5 de novembro ás 19:00 h – Teatro Afundación – Desde 20,00 €

Ópera de Gaetano Donizetti. Libreto de Giovanni Ruffini e Gaetano Donizetti. Estrenada el 3 de xaneiro de 1843 no Teatro de los Italianos (París).

HABLEMOS DE… Victoria de los Ángeles. Línea y Sutileza
6 de novembro ás 19:30 h – Sala de Conferencias do Centro Social Afundación – Entrada de balde

Conferencia a cargo de Arturo Reverter, escritor e crítico musical.