Apartamentos Rodeiramar 2A: a dous pasos da praia de Cangas
Rodeiramar 2A é un hotel e apartamentos e ao pé do areal de Rodeira, en Cangas. Á fronte do negocio está Merchi Rodal, televisiva cociñeira do programa Larpeiros que conquista aos seus hóspedes cun bufete de doces caseiros cada mañá. O aloxamento ofrece peseos en barco no seu propio veleiro.
![](https://amovida.gal/wp-content/uploads/2023/06/Rodeiramar-_P.Cermeno-239.jpg)
Merchi Rodal e a súa parella dirixen este conxunto de 11 apartamentos e 9 habitacións ao pé da Praia de Rodeira. Rodal, que estudou bioloxía mariña, colleu a remuda do negocio familiar, orixinariamente un restaurante con pensión, hai máis dunha década e pouco a pouco actualizou a súa estética e mellorou as instalacións, creando agradables zonas comúns axardinadas con mesas, hamacas e sombra nas que relaxarse.
Os apartamentos son o servizo máis demandado en Rodeiramar 2A e poden escollerse de un, dous ou tres dormitorios, para ser ocupadas por un máximo de seis adultos. Dispoñen de cociña totalmente equipada e unha pequena sala con televisión. Todos teñen un encanto especial diferente: algunhas das habitacións teñen balcón desde o que se ve o mar, outros dispoñen de acceso directo a un pequeno xardín, no que desfrutar da cea ao aire libre. Ademais, as mascotas os cans son benvidas na maioría dos apartamentos.
![](https://amovida.gal/wp-content/uploads/2023/06/Rodeiramar-_P.Cermeno-23-2.jpg)
![](https://amovida.gal/wp-content/uploads/2023/06/Rodeiramar-_P.Cermeno-23-4.jpg)
![](https://amovida.gal/wp-content/uploads/2023/06/Rodeiramar-_P.Cermeno-23-3.jpg)
A clientela chega por vez primeira a atraída pola comodidade do aloxamento e a proximidade coa praia; logo repite grazas ao ambiente familiar e a uns almorzos espectaculares: un bufete libre de café e zume de laranxa natural, pan artesán, variedade de queixos e friames, ovos feitos á demanda e as lambetadas caseiras que a propia xerente elabora a diario. A pericia de Merchi na cociña é ben coñecida para os espectadores da Televisión de Galicia, que puideron vela exercendo de reposteira en programas como o histórico Larpeiros (marca baixo a que asinou dous libros de repostería) ou o actual A voltas co prato. Outro valor engadido deste aloxamento é contar cun veleiro propio, co que se poden contratar paseos en barco privados e a medida.
![](https://amovida.gal/wp-content/uploads/2023/06/Rodeiramar-_P.Cermeno-230.jpg)
![](https://amovida.gal/wp-content/uploads/2023/06/Rodeiramar-_P.jpg)
![](https://amovida.gal/wp-content/uploads/2023/06/Rodeiramar-_P.Cermeno-23-45.jpg)
![](https://amovida.gal/wp-content/uploads/2023/06/Rodeiramar-_P.Cermeno-23-5.jpg)
O concello de Cangas é de sobra coñecido polos seus longos areais e o ambiente alegre do que gozan as súas labirínticas rúas durante o verán. No outono, a casa cambia o mar polo monte para organizar sendeiros e saídas micolóxicas das que avisan en redes sociais.
Rúa da Rodeiriña, 11 | 986 30 17 49 | rodeiramar2a.com | @apartamentosrodeiramar
Paula Cermeño
Últimos posts de Paula Cermeño (ver todos)
- Extraescolares a calquera idade - 29 Agosto, 2024
- The Wild Fest, TerraCeo, Meu Fest e festas en Zamáns para pechar o mes de agosto - 28 Agosto, 2024
- Volve The Wild Cinema, o festival internacional de cine e ecoloxía de Vigo - 23 Agosto, 2024
- Os vigueses elixen a mellor hamburguesa de España a partir do xoves 22 - 19 Agosto, 2024
- Percorremos os oito novos murais de Vigo Cidade de Cor 2024 - 14 Agosto, 2024