VIALIA
PLAYDOC

40.ª Mostra de Teatro de Cangas

Publicado o por
Menu-do Día, do Colectivo #ChamizoBelloVila | Cedida

Un dos festivais escénicos de referencia en Galicia, a Mostra Internacional de Teatro Cómico e Festivo de Cangas (MITCFC), chega este verán á cuadraxésima edición. Do 25 de xuño ao 8 de xullo, a Mostra de Cangas ofrece unha ampla e variada programación distribuída entre o auditorio municipal Xosé Manuel Pazos Varela e diversos espazos habilitados da vila do Morrazo. En total, unha cincuentena de eventos de teatro, danza, coloquios, presentacións e exposiciónsque se desenvolven, en palabras da directora artística da MITCFC, María Armesto, «grazas ao esforzo e á implicación de moita xente».

No programa deste ano destacanas estreas de varios espectáculos galegos: Entrega en man, de Contraproducións; Hoxe si, da compañía Sempre Arriba; Menu-do Día, do Colectivo #ChamizoBelloVila; ouA mesa, da Escola de Teatro de Cangas. Tamén hai espectáculos salientables a nivel estatal e internacional: Los días ajenos, do madrileño Bob Pop; ¿Qué es el agua?, da compañía catalá La Soledad, In petto, dos pallasosbelgas Okidok; ou a versión que a compañía andaluza Atalaya fixo dunha das obras máis sobranceiras do célebre dramaturgo Molière: O avaro.

REVISTA ABRIL

Esta edición tan especial da Mostra de Teatro de Cangas abre co pregón do actor morracense Lois Soaxe. Entre as numerosas actividades, volve ter lugar o Torneo de Dramaturxia de Galicia, que enfronta catro dramaturgas nun combate cómico e textual presentado pola rianxeira Esther F. Carrodeguas. Tamén hai espazo nesta MITCFC para os recoñecementos, tanto para a compañía galega de monicreques Tanxarina (Premio Xiria ao Labor Teatral), como para a escritora romanesa Amelia Tinganus (Premio Mulleres en Acción). En definitiva, quince días de teatro e risos do outro lado da ría nunha MITCF de Cangas coa que Armesto espera «non entrar na crise dos corenta».

Datas: 25 de xuño ao 8 de xullo

Abonos e entradas: mostrateatrocangas.gal

The following two tabs change content below.
My LinkedIn profileMy Instagram profile

Ernesto Is

É dramaturgo, narrador oral e docente. Premio Abrente (ex aequo) con 'Fendas' e Premio Rafael Dieste con 'Despois das ondas'. Foi seleccionado polo INAEM no Programa Dramaturgias Actuales ('El hombre que soñaba con elefantes en las estrellas'), no grupo de escrita teatral DramaturXA do CDG ('Onde veñen morrer as baleas') e na bolsa Nuevas Dramaturgias de Euskadi ('Canciones amarillas para flores tristes'). Cofundador da compañía Feira do Leste, coa que estreou 'Exilio das moscas' e 'Tras Tannhäuser' (axudas á Creación Joven do INJUVE). Membro do consello de redacción da erregueté | Revista Galega de Teatro, colabora tamén coa Revista Grial e A Movida de Vigo.