bannerVigoFestas
bannerSonriasBaixas

SMARTes trae cinema sustentable ao aire libre na rúa Londres

Volve o ciclo de cine ecolóxico SMARTes á rúa Londres, onde os días 16, 17 e 18 de xullo poderemos ver tres documentais ao aire libre e de balde ás 22:00. Anote’s Ark, When two world collide e When lambs become lions son os nomes dos tres filmes que poderemos ver estes tres días detrás do museo MARCO.

Máis plans para superar esta calor dunha forma didáctica e entretida. O ciclo de cine sustentable SMARTes proponos na súa 3ª edición tres días de proxeccións ao aire libre e de balde. O mellor é que son ás 22:00 da noite, cando o sol xa está a piques de agocharse e a temperatura permite estar na rúa sen morrer no intento. Onde? Na rúa Londres, detrás do museo MARCO.

Banner A Movidiña

O martes 16 poderemos ver Anote’s Ark, un filme cunha fotografía espectacular que mostra o reto ao que se enfronta Kiribati, unha nación do Pacífico: a súa inminente desaparición polo aumento do nivel do mar. O carismático presidente de Kiribati, Anote Tong, traballa intensamente para atopar unha vía coa que protexer aos habitantes da súa nación, pero moitos xa están a buscar unha terra segura no estranxeiro. Como pano de fondo atópanse as negociacións internacionais contra o cambio climático e a loita por recoñecer esta problemática como un asunto urxente dentro dos dereitos humanos.

Ao día seguinte será a quenda da peruana When Two Worlds Collide, documental que se coloca na liña de lume directamente fronte a dúas poderosas forzas. Por unha banda está o presidente Alan García, quen, desexoso de entrar no escenario mundial, comeza agresivamente a extracción de petróleo, minerais e gas da terra indíxena amazónica que permanecera intacta; mentres que polo outro lado, o indíxena Alberto Pizango lidera unha forte oposición polas demandas dos seus seguidores que foron ignoradas. Finalmente, a tensa guerra de palabras estala en protestas e enfrontamentos entre ambas as partes, nunha escalada que conduce á violencia mortal.

Por último, o xoves18 proxectarase When lambs become lions, un documental estadounidense que fala dun comerciante de marfil na selva de Kenia que loita por manter o seu negocio axudado polo seu primo máis novo, un gardabosque conflitivo, mentres as forzas do Estado mobilízanse para terminar co seu oficio.

Missing Event Data
Missing Event Data
Missing Event Data
X