CASAACUNHA

Saen á venda máis entradas para o concerto de Rigoberta Bandini no Underfest

O concerto inaugural do Festival Underfest a cargo de Rigoberta Bandini cambia de ubicación ao hall do Auditorio Mar de Vigo, incrementando o seu aforo. Os abonos para o festival levan semanas esgotados pero xa se poden adquirir as entradas individuais para a maioría dos concertos.

Os fans de Rigoberta Bandini teñen unha segunda oportunidade para facerse con entradas para o concerto que dará o 2 de outubro dentro do Festival Underfest. Inicialmente programada nos cines Salesianos a actuación inaugural do festival cambia de ubicación ao hall do Auditorio Mar de Vigo. As entradas adquiridas anteriormente manteñen a sua validez e as novas xa están dispoñibles a través de teuticket. Rigoberta Bandini é un dos proxectos españois máis exitosos dos últimos anos e cancións como ‘In Spain we call it soledad’, ‘Too many drugs’ ou ‘Perra’ fixéronse virais en pouco tempo.

O Festival Underfest é o festival urbano por excelencia de Vigo e entre o 7 e o 12 de outubro traerá diferentes propostas aos escenarios máis importantes da cidade. Aínda que os abonos para o festival xa están esgotados, están dispoñibles as entradas individuais para os concertos de La Mala Rodríguez, The Mistery Lights, Mastodonte, Toundra, Bflecha, Lina_Raül Refree e María Arnal i Marcel Bagés. A organización do festival que aínda quedan nomes por sumarse ao cartel que irán desvelando nas próximas semanas.

CALENDARIO ARTISTAS CONFIRMADOS

SÁBADO 2 DE OUTUBRO

RIGOBERTA BANDINI – Auditorio Mar de Vigo (á venda en Teuticket)

XOVES 7 DE OUTUBRO

BFLECHA – Auditorio Municipal De Vigo (á venda en Ataquilla)

VENRES 8 DE OUTUBRO

MASTODONTE – Teatro Salesianos | Escenario FEST Galicia Xacobeo 21·22  (á venda en Ataquilla)

SÁBADO 9 DE OUTUBRO

LINA & RAÜL REFREE – Teatro Salesianos | Escenario FEST Galicia Xacobeo 21·22 (á venda en Ataquilla)

SÁBADO 9 DE OUTUBRO

THE MYSTERY LIGHTS– Recinto por confirmar  (á venda en Ataquilla)

SÁBADO 9 DE OUTUBRO

LEIFUR JAMES – Recinto por confirmar

DOMINGO 10 DE OUTUBRO

MARÍA ARNAL I MARCEL BAGÉS – AUDITORIO MAR DE VIGO (á venda en Teuticket)

LUNS 11 DE OUTUBRO

MALA RODRÍGUEZ “LUJO IBÉRICO UNPLUGGED” – Auditorio Afundación  (á venda en Ataquilla)

LUNS 11 DE OUTUBRO

Banner A Movidiña

MARGARIDA MARIÑO– Recinto por confirmar

MARTES 12 DE OUTUBRO

TOUNDRA performing “DAS GABINET DES DR.CALIGARI”– Teatro Salesianos  (á venda en Ataquilla)