bannerEspazoFest
Banner sonrias

O Calvario propón unha búsqueda do tesouro nos seus comercios

Baixo o nome “Adiviñar e atopar ou que no Calvario podes mercar”, a Asociación de Comerciantes e Empresarios do Calvario propón esta actividade desde o 5 de outubro ata as 19:00 do 26 de outubro. Esta gymkana tan divertida vai dirixida os nenos e nenas entre 6 e 12 anos, percorrendo 16 establecementos do barrio e a biblioteca Xosé Neira Vilas, adiviñando a que tipo de artigo ou produto refírense as pistas indicadas visibles no escaparate.

Banner A Movidiña

No Calvario existen unha gran variedade de establecementos comerciais especializados nos que atopar aquel artigo ou produto que buscas. Por iso, desde a Asociación de Comerciantes e Empresarios do Calvario (ACECA) organizan esta actividade tan peculiar para seguir construíndo barrio nestes tempos tan incertos para o pequeno comercio.

A iniciativa consiste nunha gymkana na que nenos e nenas entre 6 e 12 anos deberán adiviñar o artigo ao que se refire a pista situada no escaparate de cada local participante. As crianzas levarán consigo unhas papeletas que irán enchendo a medida que adiviñen estes produtos. En total o circuito está formado por 16 establecementos comerciais de todo tipo máis a Biblioteca Xosé Neira Vilas.

Os cativos que completen todos os ocos antes do 26 de outubro ás 19:00, entrarán nun sorteo no que poderán gañar unha tablet, un lote de libros máis un carnet VIP da Biblioteca Neira Vilas e o menú come e bebe sen límites xunto con cinco amigos no Domino’s Pizza. As papeletas poden descargarse na web de ACECA, no seu local no Calvario ou en calquera dos establecementos participantes.

X