Música, artesanía e tradición na Brincadeira de Bouzas
Bouzas celebra a XII edición da súa propia Reconquista, a Brincadeira. A segunda fin de semana de maio o barrio vigués festexará a expulsión dos franceses a ritmo de gaita, mercado de artesanía, chouripán e concerto de A Roda.
![](https://amovida.gal/wp-content/uploads/2018/04/brincadeira.jpg)
A Festa da Brincadeira de Bouzas chega a súa XVII ediciónorganizada pola Asociación Amigos da Historia de Bouzas. A festa terá lugar o 7 e 8 de maio e contará con 120 postos de comida e artesanía que estarán abertos a partir das 11 da mañá e que se complementan con representacións dos diferentes gremios tradicionais e obradoiros de cerámica e música durante as dúas xornadas.
A romaría urbana contará coa banda sonora de diferentes grupos de música tradicional, entre eles Airiños de Pontecaldelas e Son do Verdugo e o concerto de A Roda, un grupo de folk nado no barrio de Teis en 1976, recoñecidos cona Medalla de Castelao e intérpretes de grandes clásicos propios e recollidos da tradición galega, como “Pousa, pousa”, “O andar miudiño” e a “Foliada do Celta”.
A representación da expulsión dos franceses será na zona da pérgola o sábado ás 16h ao cago da Asociación Cultural Catro Ventos e o domingo ás 13h a cargo da compañía Porta Aberta.
Paula Cermeño
Últimos posts de Paula Cermeño (ver todos)
- Extraescolares a calquera idade - 29 Agosto, 2024
- The Wild Fest, TerraCeo, Meu Fest e festas en Zamáns para pechar o mes de agosto - 28 Agosto, 2024
- Volve The Wild Cinema, o festival internacional de cine e ecoloxía de Vigo - 23 Agosto, 2024
- Os vigueses elixen a mellor hamburguesa de España a partir do xoves 22 - 19 Agosto, 2024
- Percorremos os oito novos murais de Vigo Cidade de Cor 2024 - 14 Agosto, 2024