Los Secretos, Sidonie e Bely Basarte entre as novas confirmacións do Festival TerraCeo
O Festival TerraCeo confirma novas datas e novos artistas entre os que se atopan Los Secretos, Sidonie, Bely Basarte ou David Rees. Aumenta o número de mulleres sobre o escenario do Mar de Vigo, así como de artistas galegos. Carlos Sadness e Andrés Suárez anuncian novas datas pois as entradas dos seus primeiros concertos se esgotaron rapidamente.
O Festival TerraCeo anuncia a incorporación de 14 novos artistas á súa programación para este verán, ascendendo a 33 concertos nos que participarán 39 grupos e solistas. Los Secretos volven o 28 de maio ao evento celebrado na terraza do Auditorio Mar de Vigo, despois do éxito colleitado na edición pasada. David Rees súmase aos nomes xa anunciados do mes de xuño, a súa participación abre o festival aos espectáculos para toda a familia. Xullo será o mes de Califato, Sidonie, Leo Harlem, Angel Stanich, R de Rumba + Sho Hi, Paco Ibáñez, Freedonnia e Triángulo de Amor Bizarro. En agosto subiránse ao escenario Bala, Grison e Jaime Caravaca, Bely Basarte e Rulo y la Contrabanda. O programa continúa aberto, polo que seguirán anunciándose novas incorporacións.
Entre as novidades do segundo avance do programa do festival para 2021 está a participación de 9 mozas solistas femininas e grupos integrados só por mulleres. O Festival acollerá a presentación de dous discos da escena emerxente da música feminina en Galicia, os novos traballos de Dani e do dúo Bala. En TerraCeo participarán tamén este ano Wyyga, Its soul, Sanny, Irene e Mariña, Carolina Rubirosa e Zeltia. Repite, ademais, a cantante de porriñesa Xoana, que tivo unha memorable participación na primeira edición do Festival.
Ademais, debido á alta demanda nos concertos de Carlos Sadness e Andrés Suárez, que esgotaron as entradas rapidamente, confírmanse dúas novas datas para ambos artistas, o 7 e o 14 de maio respectivamente.
As entradas xa están dispoñibles na nova plataforma de venta online Teuticket. Podes acceder premendo neste enlace.
Programación completa, a continuación (as novas confirmacións están marcadas en negriña):
MAIO
- 1 Taburete
- 7 Carlos Sadness
- 8 Carlos Sadness
- 14 Andrés Suárez
- 15 Andrés Suárez
- 21 Baiuca
- 22 Resentidos
- 23 Kevin Johansen
- 28 Los Secretos
- 29 Pol Granch
XUÑO
- 4 Annie B. Sweet
- 5 Juancho Marqués
- 11 The Soul Jacket
- 12 Kutxi Romero
- 13 David Rees
- 18 La Habitación Roja
- 19 Sr Chinarro
- 25 La Bien Querida
- 26 El Kanka
XULLO
- 2 Califato
- 3 Sidonie
- 9 Nach, piano e voz
- 15 Leo Harlem
- 16 Leo Harlem
- 17 Angel Stanich
- 23 R de Rumba + Sho Hi
- 24 Paco Ibáñez
- 30 Freedonnia
- 31 Triángulo de Amor Bizarro
AGOSTO
- 5 Bala
- 15 Grison e Jaime Caravaca
- 20 Bely Basarte
- 21 Rulo y la Contrabanda