REVISTA NADAL

Éxfico Clothing, recortes con estilo

Publicado o por

Éxfico Clothing é unha marca de roupa creada polo deseñador gráfico Alberto Brandon en 2006, cando estudaba en Vigo. Nese momento decidiu producir as súas primeiras pezas, empapándose do ambiente musical, o skate e o ritmo da cidade como grandes inspiracións.

As pezas de Éxfico están dirixidas a persoas con inquedanzas artísticas, con empatía cara ao que nos rodea e con ganas de explorar a extraordinaria a beleza oculta das cousas. As ideas de cada unha das súas coleccións parten das viaxes e dos artesáns locais que o deseñador, coñecido na casa como «O Recortiños», vai atopando polo camiño. En padróns, estampados e formas a marca sintetiza a mestura cultural, contando unha historia en cada colección.

Éxfico Clothing deseña na Guarda, onde Brandon abriu a tenda Éxfico Concept Store, un lugar onde atopamos roupa, vinilos e unha coidada selección de obxectos de diferentes artistas, ademais dunha ampla colección propia de souvenirs. A produción téxtil realízase en pequenos talleres no norte de Portugal e a súa filosofía consiste en optar por pezas orixinais, cómodas e de gran duración. Vístete cun estilo que tan ben loce en concertos e festivais de verán. Enche o armario de recortes con estilo!

@exficoclothing | exficoclothing.com

The following two tabs change content below.
My Instagram profile

Estela Gómez

Estela naceu no 92 (o ano de Cobi) preto do mar. É filóloga e correctora literaria, cirurxiá de textos, amiga das redes sociais e ten un interese case innato pola moda e a cultura. Estela é aprendiza de todo e especialista en nada, ten incontinencia verbal crónica, e, grazas á mellor das sortes, as palabras danlle de comer.
My Instagram profile

Últimos posts de Estela Gómez (ver todos)