O MARCO, Museo de Arte Contemporánea de Vigo, en colaboración con Filmoteca Vasca, Les films de l’equinoxe organizan unha xornada dedicada a Yannick Bellon.

De familia comprometida coas ideas progresistas e o mundo da cultura, Yannick Bellon (Biarritz 1924 – París 2019) dáse a coñecer cando a súa curtametraxe Goémons (1948) obtén o Gran Premio da Bienal de Venecia. Setenta anos despois, pecha a súa filmografía con D’où vient cet air lointain?. Entre ambas as dúas, unha secuencia de marabillosas historias e reflexións, sempre vencelladas a unha mirada comprometida coa súa época.

En conmemoración á sua traxectoria, o MARCO dedicará a tarde do sábado 22 á proxección dunha das súas obras ‘Quelque part quelqu’un  (98’ VOSE).’

Sábado 22 ás 19:00h no MARCO.

Programa

19:00 H.CONVERSA PRESENTACIÓN
Participantes
Eric Le Roy e Luisa Etxenike, autor e tradutora do libro Yannick Bellon. La mirada de frente

20:00 H. PROXECCIÓN
Quelque part quelqu´un

Reservas en comunicacion@marcovigo.com