Do mércores 1 ao domingo 5 de setembro terá lugar a XXII edición do Festival Internacional de Títeres de Redondela (Memorial Juanjo Amoedo). Confiamos desfrutedes desta proposta entorno ao mundo dos monicreques, que convida a 24 compañías de moi variada procedencia e con diferentes técnicas e estilos.

Podedes consultar o programa desta edición nesta ligazón.

A billeteira para comprar as entradas estará aberta ata o venres 27 de agosto no Multiúsos da Xunqueira, de 10 a 13 horas para mercar as entradas de sala, cun prezo de 5 €, e de 10 a 14 horas, ou de 17 a 20 horas os venres para as entradas de escenarios-carpas e camisetas, cun prezo simbólico de 1 €.