O CC Vialia acolle en concerto á banda de pop e rock Undercover, o vindeiro xoves 30 de decembro ás 19:00h.

Undercover é unha banda que versiona clásicos do Rock, Pop e Blues de todas as épocas. Xorde nos locais de ensaio do Concello de Oleiros a finais de 2015, ao irse sumando ao proxecto varios amigos que pertencen ou pertenceron a diferentes formacións musicais coruñesas.

A persoal voz de Santi danlle un estilo propio, adaptando as cancións e ao mesmo tempo fuxindo de imitacións. Desde xulio de 2021, conta coa colaboración da cantante e multinstrumentista británica afincada na Coruña Sophie Simonds.

A banda é tamén una das fundadoras da Asociación Musicoleiros, que ten como obxectivo a promoción dos músicos que residen en Oleiros.

Entrada libre