'Son animal' de Paco Nogueiras

O sábado 28 de decembro, ás 18.30 horas, Paco Nogueiras visita El Corte Inglés de Vigo para representar o seu espectáculo “Son animal”, no anexo – planta baixa.

Nel, o artista combina cancións, animacións e interpretacións cos ritmos e rexistros máis divertidos.

Dedicado aos animais máis próximos e aos seus sons convertidos en divertidísimas cancións para cantar e bailar a calquera idade.

O bruar da vaca, o miañar do gato, o ladrar do can, o cacarexar da galiña, o zunir do mosquito… Ecos do mundo animal que inspiran os doce temas deste espectáculo co que viaxamos polo mundo a través de diferentes estilos musicais: dende un aire portugués aos ritmos do leste de Europa, dende unha balada acústica a un animado rock and roll, dende unha fanfarra circense ata unha melodía de influencias andinas.

Unha fantástica oportunidade de saltar e de pasalo ben cos amigos nun particular camiño onde a música soa coa forma de sorriso.

As inscricións poden realizarse no correo electrónico: eventosvigo@elcorteingles.es

As prazas son limitadas.