Soga e cinsa

Xénero: teatro contemporáneo
Cordirección de actrices: Diana Mera
Escenografía e vestiario: Montse Piñeiro
Iluminación: Montse Piñeiro e Del Ruíz
Deseño de son e música: Francisco Gallardo
Elenco artístico: Nerea Brey, Sonsoles Cordón, Diana Mera, Raquel Oitavén, Marta Pérez, Merche Pérez, Rosa Puga Davila, María Roja, María Salgueiro, Nuria Sotelo e María Tasende.

Soga e Cinsa, tríptico renacentista para 11 bruxas en 101 minutos, aborda a caza de bruxas en Europa nos séculos XV, XVI e XVII, co obxecto de visualizar o xenocidio que supuxo e a súa perversa conexión co desenvolvemento do sistema capitalista.

Horror, humor, reflexión, plasticidade e emoción son as apócemas principais deste conxuro teatral. Unha sucesión de paisaxes espectrais e inesperadas irrompen en escena para que os corpos expresen a súa danza esquecida, nunha
peregrinaxe de sombras espectrais que procura as luces da xustiza e do recoñecemento.