Sinatura 'Las cuevas de Sóliman'

Juan José Abalde asina o seu libro ‘Las cuevas de Sóliman’ mañá venres 13 de decembro ás 18.30 horas na librería (planta 5ª) do Corte Inglés de Vigo.
‘Las cuevas de Sóliman’
Catro adolescentes verán inesperadamente alteradas as súas vacacións de verán ao verse inmersos, sen sabelo, no medio dunha investigación policial. Ao mesmo tempo, dúas familias, aparentemente sen conexión algunha, sufrirán o secuestro dos seus fillos. Sóliman, situada ficticiamente en Galicia, será o escenario perfecto para unha historia que sempre mira ao pasado e que o proxecta ao presente. Do mesmo xeito que os faros aluman a costa para os mariñeiros, Sóliman converterase na luz que iluminará a resolución deste caso

JUAN JOSÉ ABALDE GARCÍA
Juan José Abalde García (Pontevedra, 1966). Estudou Ciencias da Educación e Grao Superior de música na especialidade de canto. Traballa como terapeuta nun instituto local tentando deixar a súa pegada na educación inclusiva compaxinándoo con recitais e clases de técnica vocal e canto.
Ademais de ser profesor de pedagoxía terapéutica no instituto, tamén é membro do equipo da biblioteca na mesma institución. Está posición permítelle fomentar o amor pola lectura entre os estudantes, aos que escolle como público preferente nesta, a súa primeira novela.