Sinatura de 'Abrázame despacio'

Xoán Pujales estará a asinar o seu novo libro ‘Abrázame despacio’ o luns 9 de decembro ás 18.30 horas na librería do Corte Inglés de Vigo.
‘Abrázame despacio’
Chegou ese momento no que todo doía moito, só o silencio era capaz de axudarche a esconder ese ruído que na túa cabeza retumba cada noite, a limpar esas feridas que non ven, pero están. Vaia se están…
E cambiaríalo todo por un abrazo, lento e forte, dos de verdade.
Con este libro Pujales quere axudar a coser todos eses cortes que supuran demasiado e abrazar aos seus lectores.
“Abrázame despacio” porque ultimamente vivimos moi rápido e non hai mellor maneira de sandar que pararse e gozar das pequenas cousas que nos dan a vida.
Xoán Pujales volve coa súa característica prosa poética, unha obra lírica na que ispe a súa alma e proxecta o seu interior a todo o que se achegue, deixando sempre un anaquiño de si mesmo nos seus lectores.

Xoán Pujales Salgueiro (Vigo, Pontevedra, 1998). Desenvolve a súa afección pola escritura na súa adolescencia, usando o medio como desafogo e proxección da súa propio interior. Co paso dos anos comezou a compartir os seus textos, tendo notable éxito en Instagram e conseguindo que miles de persoas sentan identificadas, poñendo Xoán voz á dor dos seus lectores, aínda que se segue considerando a si mesmo como un mozo normal e corrente.