Regueifas: Bieito e Alba

A regueifa é a manifestación máis estendida no noso país da secular arte popular da improvisación oral en verso, da que se atopan referencias desde a Antiga Grecia. Unha arte poética e popular que manteñen viva desde a asociación regueifa.org e co apoio da Concellería de Normalización Lingüística.

Na actualidade a confrontación realízase normalmente por parellas, aínda que é relativamente habitual que cando hai varios regueifeiros ao final participen todos nunha roda na que cada quen fai unha copla.

Ás 20:00, nos seguintes días e lugares:

3 martes, Bieito e Alba na praza do Abanico (na zona vella preto de Casa do Concello)

4 mércores, Lupe e Josinho na zona peonil do Calvario

5 xoves, Luís e Bieito na alameda de Bouzas

6 venres, Alba e Josinho na praza da Independencia

7 sábado, Suso e Antonio en Navia (As Teixugueiras, 22-24)