
Detalles do eventos
A Fundación Laxeiro en colaboración co Colectivo NEG (Nova Escultura Galega) e Vertixe Sonora expoñe o proxecto Recordoleterlorintorel con motivo do XXV aniversario da morte do artista Xosé
Detalles do eventos
A Fundación Laxeiro en colaboración co Colectivo NEG (Nova Escultura Galega) e Vertixe Sonora expoñe o proxecto Recordoleterlorintorel con motivo do XXV aniversario da morte do artista Xosé Otero Abeledo, alcuñado como Laxeiro. O pintor galego destaca polas súas obras de carácter imaxinativo, fantástico, irónico e mordaz, con paletas sobrias de terras, ocres e negros, e temas como a infancia rural ou as súas vivencias en América.
A proposta consiste nunha instalación na que o son é a personaxe principal, que nace a partir dun texto de Laxeiro. No fragmento, o artista parodia o seu propio currículo con palabras inventadas nunha crítica ao sistema da arte que lle resultaba alleo á actividade creativa, defendendo a súa independencia como artista. O son da peza está acompañado de fortes luces de cor (azul, verde e vemello) que semellan raios nunha tormenta e resaltan as extravagantes esculturas e pinturas da peza.
O proxecto organizado por Misha Bies Golas, Alejandra Pombo Su, Jorge Varela e Diego Vites, está dispoñible xunto á exposición permanente do artista ata o 19 de setemnbro, permitindo aos visitantes visualizar as obras e reflexionar sobre a súa figura, pero tamén aprender sobre as vivencias do creador a partir dos textos explicativos que acompañan aos cadros da sala.
Horarios de visita:
Luns – venres: 18:00h – 21:00h.
Sábados: 12:00h – 14:00h, 18.00h – 21:00h.
Domingo e festivos: 12:00h – 14:00h.
Visitas guiadas
Cita previa ao teléfono 986 438475 ou o email fundacion@laxeiro.org .
Máis
Hora
23 xullo, 2021 18:00 - 19 agosto, 2021 21:00(GMT+02:00)
Localización
Fundación Laxeiro
Rúa Policarpo Sanz, 15, 36202 Vigo, Pontevedra
Hoxe móvese
Mes actualmaio
- Mes actual