Recital 'O fruto e a Serpe'

O xoves 14 de novembro (20:00 horas) terá lugar un recital moi especial organizado pola Asociación Évame Oroza en colaboración co colectivo artístico “O fruto e a Serpe”. Trátase dunha lectura de poetas clásicos, falecidos pero inmortais que se aparecerán ante os ollos do público nos corpos de poetas actuais e vivas, a través dunha sesión de espiritismo na que aseguramos que as persoas asistentes non pasarán temor ningún e que ademais, terán un papel moi especial. As poetas e artistas vivas que prestan os seus corpos e voces ás defuntas son Silvia Penas, Samuel Merino, Orisel Gaspar, Luis Boullosa, Elvira Jardón e María Lado.

Esta Sesión de Espiritismo pretende ser un divertido xogo a medio camiño entre o recital de poesía e o teatro. A entrada é libre, pero agradecemos a inscrición previa a través do correo admin@evame.org. Haberá unha taquilla inversa, opcional, de mínimo 5 €.