Real Filharmonía de Galicia: 'Rompendo moldes'

A Real Filharmonía de Galicia (RFG) regresa ao Teatro Afundación o mércores 19 de febreiro con «Rompendo moldes», un concerto cuxo programa está construído sobre obras de tres dos grandes compositores do romanticismo medio e tardío en Europa: Claude Debussy, Franz Liszt, e Joachim Raff. O director titular da RFG, Baldur Brönnimann, levará a batuta. Acompañará á formación musical, como solista, a pianista francesa Mirabelle Kajenjeri. O concerto será o terceiro dos programados na primeira metade de 2025 na Tempada de Abonos de clásica da Obra Social de ABANCA en Vigo. As persoas que non dispoñen de abonos poden acceder reservando as súas localidades a través de Ataquilla.com.