Pequeártiko: 'Molly y el gigante'

Un ano máis, os máis pequenos e pequenas da casa seguen tendo un espazo destacado na programación deste mes grazas ao IX Festival Pequeártiko de Nadal que terá lugar do 22 ao 31 de Decembro na Sala Ártika (Avda Beiramar 113, Vigo) e que conta cada vez cunha mellor acollida, tantoe ntre as compañías que presentan os seus espectáculos para participar nel como entre o público asistente.

Este festival está formado por 9 espectáculos de nove compañías de todo o territorio nacional que ofrecerán aos máis cativos da casa 12 representacións de teatro, títeres, e danza. Unha programación variada para gozar das artes escénicas en familia.

‘Molly y el gigante’

Baseado nun conto tradicional inglés, o espectáculo é unha adaptación teatral para unha actriz e un actor que recrean, a través de elementos cotiáns e dun xeito moi divertido, unha historia que nos fala de reencontros, do paso do tempo, do enxeño e do valor. Coma se dun xogo se tratase, vemos coma as personaxes comezan a utilizar as cousas que teñen ao seu alcance dotándoas de vida para contar as aventuras de Molly á vez que nos amosan quen son eles.

Combinando técnicas diversas (interpretación, manipulación de obxectos e narración oral) ofrécennos un relato dentro doutro, ao xeito das bonecas rusas.

Molly e as súas dúas irmás camiñan polo bosque, mortas de fame, e refúxianse nunha casa sen saber que aló habita un terrible xigante. Fará falla ser moi decidida, Valente e enxeñosa para vender a un inimigo tan perigoso.

Programación

– Venres 22 de decembro ás 18:00h; “Molly y el gigante” de La Machina teatro (Cantabria)
– Sábado 23 de decembro ás 12:00h e ás 18:00h; “Tras los pasos de Peter Pan” de Teatre de La Caixeta (Comunidade Valenciana)
– Domingo 24 de decembro ás 12:00h; “Feo!” de Caramuxo teatro (Galicia)
– Martes 26 de decembro ás 18:00h; “A verdadeira historia dos tres porquiños e o lobo feroz” de Teatro del Andamio (Galicia)
– Mércores 27 de decembro ás 18:00h; “O xardín de Vila Gris” de Fulano, Mengano e Citano (Galicia)
– Xoves 28 de decembro ás 18:00h; “Superchica” de Bambalúa teatro (Castela e León)
– Venres 29 de decembro ás 17:00h e ás 19:00h; “Aupapá” de ZigZag danza (Asturias)
– Sábado 30 de decembro ás 17:00h e ás 19:00h; “Burbuja” de Títeres sin cabeza ( Aragón)
– Domingo 31 de decembro ás 12:00h “A nena e os tres osos” de Migallas Teatro (Galicia)

Entradas