Paco Moreno

Paco Moreno trae rumba a Vigo. Permaneceu oculto tras do sol, tapado o seu fulgor cun muro de cassetes -e algún que outro computador- mentres varios miles de persoas co corazón roto resgardábanse nas súas cancións, facéndoas chegar a máis xente a través do boca-orella á vez que Paco Moreno acumulaba un repertorio cada vez menos secreto que sería uns Grandes Éxitos en calquera discografía. “Rumba Plus” é o primeiro LP de Paco Moreno despois de máis dunha decena de referencias -coa súa propia discográfica Sursum Tapes, en selos en liña e en pequenas edicións en cassete-, un disco que podería ser a maqueta de Estopa para a xeración dos 2000. Unha colección de cancións onde caben todos os Paco Morenos posibles: a rumba luminosa e a rumba rebaixada, a cumbia para bailar suave nas festas do pobo, o pop con ecos do funk que soa na radio medio rota que herdaches ou arabescos de guitarra para tombarse ao sol. Todo encerrado nunha habitación esperando a que ti lle abras as xanelas.

O domingo 19 de marzo ás 21: horas, na Sala Kominsky. Podes adquirir as entradas premendo aquí, por 10,00€.