Obradoiros Videoxogos Retro

Actividade familiar paralela das VI Xornadas de Videoxogo e Literatura. O Espazo Anexo do MARCO acollerá nesas datas unha mostra de Videoxogos Retro que serve de base para o desenvolvemento deste programa.

Datas: sábado 12 de outubro
Horarios: 1ª quenda: de 10.30 a 12.00 / 2ª quenda: de 12.00 a 13.30

Para público infantil a partir de 7 anos acompañados de persoas adultas. Máximo 24 participantes por sesión. Inscrición a través do email recepcion@marcovigo.com

Contidos: Tras unha breve charla introdutoria sobre a evolución dos videoxogos a través das distintas xeracións de consolas, dividímonos en grupos para explorar as seis mesas temáticas, cada unha equipada con dúas consolas de distintas xeracións. Dende os sistemas máis antigos de 8 bits ata as avanzadas máquinas de 64 bits, poderán xogar a algúns dos títulos máis icónicos de cada época, experimentando de primeira man como evolucionaron os gráficos, o son e a xogabilidade ao longo dos anos. Ademais, terán acceso a emuladores que permitirán gozar dunha selección aínda máis ampla de xogos retro, incluíndo algúns títulos raros ou menos coñecidos.