OBRADOIROS INFANTÍS DE VERÁN: Chans e paredes

Durante este mes de xullo, o MARCO ofrece un programa especial de obradoiros de verán dirixidos a público infantil de entre 6 e 12 anos. A proposta está deseñada tendo moi en conta as normas e medidas sanitarias de seguridade e protección post Covid-19. As actividades, que terán lugar ao aire libre (praza peonil posterior) complétanse con percorridos específicos por espazos interiores e polas exposicións de Manuel Colmeiro e Yolanda Herranz.

Todos os martes, mércores, xoves e venres de 12.00 a 14.00.

Para participantes de 6 a 12 anos.

Inscricións: Tel. 986 113900 ext. 100 / email recepcion.marco@gmail.com / ou persoalmente en taquilla MARCO

Sesión 1: Ref. Chans e paredes. Estrutura, apariencia e formas xeométricas no espazo.

Espazos exteriores/interiores.

Resumo: a partir da observación da pedra do chan no patio posterior, e de elementos arquitectónicos da contorna, definimos formas xeométricas e cambiamos a súa apariencia a través da color. A actividade continúa no interior do edificio, experimentando con formas e estruturas similares.

Sesión 2: Pegadas de persoas en espazos interiores/exteriores. Exposición Yolanda Herranz.

Sesión 3: Contacontos: “As luces que se acenden e se apagan”

Sesión 4: A cada quen a súa máscara

Sesión 5: Paisaxes que soan. Exposición Manuel Colmeiro

Sesión 6: O autorretrato como reflexo. Retratos de luz. Exposición Yolanda Herranz.

Sesión 7: Historias sen imaxes