O Marisquiño arranca este xoves con talleres para a cativada

A actividade en O Marisquiño comezará na mañá do xoves 10 coa apertura dos talleres de distintas disciplinas, que tamén estarán repartidos por distintos puntos da cidade: Samil, San Paio de Navia e a zona do Naútico.
En total, hai máis de 200 prazas para 25 talleres repartidos en seis disciplinas e poderán participar nenos, nenas e adolescentes entre 5 e 16 anos. O skatepark de Navia é o escenario elixido para a realización dos talleres de BMX e de Skate, a zona do Naútico acollerá os de Basket 3×3 e Grafiti (en colaboración con Montana Colors) e en Samil celebraranse os de Break Dance e Flatland. Como o resto de actividades do festival, todos os talleres son gratuítos pero é necesario inscribirse previamente na web do festival.

Ademais na xornada de xoves terán lugar os primeiros adestramentos e probas clasificatorias dos deportistas que participan en O Marisquiño e ás 22:00 h o concerto benvida de Bad Gyal en Castrelos.