Festival de danza urbana Vigo Vikul

Coreo Magazine organiza a 11ª edición do festival de danza urbana Vigo Vikul. Este ano o evento recupera a localización no centro da cidade e encherá de ritmo a anovada Porta do Sol os seráns do venres 14 e sábado 15 de xullo. Un total de 576 bailaríns pasarán pola praza do sereo nos 54 shows que hai programados e que se desenvolverán entre ás 19:30 e as 21:30 h ambos días. O hip-hop e o breakdance serán as principais disciplinas das que poderemos gozar nestes espectáculos, pero incorpóranse novos estilos nacidos na rúa como o dancehall ou o reguetón.

Paralelamente o festival organiza varias masterclass para bailaríns que se desenvolverán o venres e o sábado pola mañá en Vialia. Estas actividades arrincarán ás 10:30 h e correrán a cargo de tres afamados profesionais da danza: Viet Dang, Diana Duarte e Blanca Guma.