FLiPo24: Festa do Libro en Portugués

O Camões, o Centro Cultural Portugués en Vigo, no ámbito da celebración da lingua portuguesa e das literaturas e culturas que se expresan en portugués, organiza a FLiPo24 – FESTA DO LIBRO (en) PORTUGUÉS 2024, que terá lugar nas instalacións do Camões os días 15 e 16 de novembro. O obxectivo deste evento é o de potenciar o acceso dos lectores galegos a publicacións e edicións en lingua portuguesa, o que non acontece actualmente, sendo raras as librarías galegas que venden libros en portugués.

O evento estará aberto ao público entre as 10h e as 21h ambas xornadas, sendo que o primeiro día haberá unha pequena cerimonia de inauguración da FLiPo24 ás 10h. O evento terá lugar no salón multiusos do Camões e conta con varios stands, onde as editoras (Porto Editora, Bertrand, grupo Leya, Presenza, Gradiva, Planeta, Libros Horizonte, Lidel, A través Editora, Edicións Esgotadas, I Cátedra Internacional José Saramago – Uvigo, Centro Cultural Artístico e Deportivo Adriano Correia de Oliveira) poderán expor e vender libros en portugués. Adicionalmente, haberá tamén un outro espazo no 1o andar do edificio, onde están programadas presentacións de libros, sesións de autógrafos, conversas con autores, debates, palestras e outros eventos ligados á promoción dos autores e dos textos en portugués.