Miss Caffeína

Miss Caffeína sae á estrada para mostrarlle ao mundo as súas garras coa presentación do seu quinto disco de estudo, “El año del tigre”. Nesta ocasión, os seus recursos camaleónicos adáptanse á iconografía asiática, para ofrecer un disco que combina a busca permanente de novos rexistros con aquelas composicións feitas en Missca que aumentan a súa lexión de seguidores en cada directo.

Iso si, non faltarán os grandes himnos da banda, así como temas como “Por si”, “Me voy” ou “Punto Muerto”, sinxelos deste novo disco que están a ter unha acollida fabulosa.

Miss Caffeína visita o AUDITORIO MAR DE VIGO o 2 de abril de 2022 cun directo extremadamente bailable, cheo de emotivos ruxidos e con momentos que farán deste Ano Novo Chinés cheo de bos propósitos. E de concertos nos que berrar e bailar ata esvaecer.