Mambas Negras

O vindeiro xoves 28 de Decembro ás 21:30h a banda Mambas Negras presenta o seu show a Tarantino experience na Fábrica de chocolate club, unha homenaxe a todas esas cancións que o afamado director Quentin Tarantino incluía nas súas películas, bandas sonoras que son tan recoñecibles e características como as súas films.

Ao escoitar clásicos como “You never can tell” de Chuck Berry é imposible non lembrar a escena de baile de Uma Thurman e Jonh Trabolta en Pulp Fiction Quen non lembra á banda de Reservoir dogs camiñando a ritmo de “Little green back”? ou a tórrida escena de Shalma Hayek bailando coa serpe en Aberto ata o amencer… Mambas negras, formada por reputados músicos da escena viguesa, propón rememorar eses momentos que son xa clásicos da historia do cinema moderno.