Malabares: A escola do Sr. Gato

Desde as 18.00 h o Centro Comercial Camelias acolle unha proposta orixinal e divertida, na que os máis pequenos aprenderán divertíndose. Ramón Gato visitará o centro co seu espectáculo didáctico ao redor da ciencia mixta entre os malabares e as matemáticas: a malabarística.

Nun percorrido educativo, o Sr. Gato recreará a liberación parabólica dos malabares para explicar a física clásica de movemento, con xogos pedagóxicos nos que participarán os nenos e nenas voluntarios, aprendendo a ciencia do ensaio e erro.