'MALA VIDA E PIOR MORTE DO REI RICARDO III'

A Sala Ártika acolle Mala vida e pior morte do rei Ricado III, un espectáculo unipersoal de Excéntricas e o Centro Dramático Galego que revisa a figura do monarca inglés máis controvertido. A través dun monólogo afiado e cheo de ironía, Ricardo III rebélase contra a súa lenda negra, desmontando o relato de Shakespeare. Unha proposta teatral intelixente e divertida que convida á reflexión.

SINOPSE

En Mala vida e pior morte do rei Ricardo III, o monarca máis infame da historia inglesa resucita para defenderse. Nun monólogo cargado de ironía e mordacidade, Ricardo III desmonta a imaxe de tirano cruel e deformado que Shakespeare popularizou, revelando as manipulacións históricas que marcaron a súa lenda negra. Cun ton irreverente e humorístico, o espectáculo afonda no poder da propaganda, na reinterpretación da historia e na eterna loita entre a verdade e a ficción.

ENTRADAS AQUÍ.