Máis que Blues: WAX AND BOOGIE 

Tras os concertos de “The Buttshakers”, Greg Izor” e “The Main Squeeze” chega a quenda de “Wax & Boogie” . Esta banda asentada en Barcelona, nos últimos anos converteuse nun dos mellores e máis valorados formatos de Rhythm and Blues e do Boogie Woogie. Están liderados pola fantástica Ster Wax, “muller branca con alma negra”, posuidora dunha arrebatadora posta en escena e unha desgarradora voz, que ademais ten a Lavern Baker, Ruth Brown ou Big Maybelle como as súas grandes influencias. Estará sobre o escenario arroupada polos seus fieis escudeiros David Giorcelli ao piano e á batería Reginald Vilardell.

Os seus directos son toda unha dose de adrenalina directa ao corazón.

En “Momentos Alhambra – Máis que Blues” a muller volve tomar protagonismo. Asegurámosche que non deixarás de bailar e quedarás fascinado coa impresionante voz e o poder escénico de Ster Wax. Chegan a Vigo para presentar as cancións do seu disco “Make Up Your Mind” (2022), un álbum que estivo no máis alto das listas especializadas, recibindo infinidade de grandes críticas.

Entradas