Los Secretos

Los Secretos narran a súa propia historia en primeira persoa. Fano a través das súas cancións. E volven tamén sobre as circunstancias, ás veces tráxicas, que viviron na súa carreira desde a fundación do grupo. Esa é a proposta do musical A tu lado, que a banda liderada por Álvaro Urquijo estreou na primavera deste ano e que chega ao Teatro Afundación o sábado 30 de novembro ás 20:30 horas. O público tamén poderá gozar do espectáculo en sesión vespertina, ás 19 horas, o domingo 1 de decembro.

As entradas están dispoñibles en Ataquilla.com. Para a sesión do sábado, apenas quedan localidades.