Los Marcianos

Tras gañar o galardón a mellor disco de 2023 nos Premios Maketon dos 40 Galicia, Los Marcianos presentarán en Vigo o seu novo álbum “Cápsula de evasión” (Clifford Records, 2023), disco que tivo unha gran acollida e axudoulles a atopar un oco na escena indie deste país, percorrendo cidades como Madrid, Xixón, Oviedo, A Coruña, Lugo e festivais tan importantes como o Contempopranea de Estremadura.

“Cápsula de evasión” é un disco de Indie pop, que mestura diferentes sonoridades como o Noise, Shoegaze ou outras máis próximas ao Jangle pop, influenciado por bandas dos 80 e 90 como The Cure ou The Smiths.

O disco está producido por Carlos Hernández, responsable dos discos máis importantes dos Planetas, Triángulo de Amor Bizarro ou Carolina Durante e conta con colaboracións de importantes bandas independentes españolas como Apartamentos Acapulco ou Malamute.

O vindeiro venres 3 de maio presentarano en Sala Radar e contarán con invitados da escena viguesa, polo que será unha ocasión única de ver a posta en escena dunha banda que non se prodiga moito por estas terras.

Entradas