'LOS MALDITOS BRIDGERTON'

Los Malditos Bridgerton é un espectáculo innovador organizado pola Escola de Imaxe e Son de Vigo (EISV), unha iniciativa que transcende o ámbito académico, pon en valor o talento emerxente dos estudantes e o potencial da arte como ferramenta de expresión e transformación social.

Inspirado na icónica serie de Netflix, Los Bridgerton, os alumnos da EISV darán vida a unha aristocracia reinventada que desafía os convencionalismos a través do bodypainting, a creación de personaxes, a posticería e a maquillaxe. A posta en escena contará coa colaboración especial da escola Unidance, cuxos bailaríns protagonizarán unha sorprendente deconstrucción dos looks dos modelos para ofrecer unha crítica audaz ás normas do costumismo e a elegancia tradicional. Ademais, o público poderá gozar da actuación dun DJ, a participación de bailaríns e patinadores caracterizados e poderán participar nunha serie de concursos e sorteos organizados ao longo da velada.