KiteFest Cesantes

Cesantes xa se prepara para converterse por cuarto ano consecutivo na capital do kitesurf en Galicia coa celebración do IV KiteFest Trofeo Xacobeo. A cita, organizada polo TMKiteClub e o Concello de Redondela, celebrarase os días 10 e 11 de xullo e reunirá de novo a unha potente frota de máis de 70 participantes entre os que destacan figuras como a de David Marín, campión de España da modalidade de strapless; Nuno Stru, récord Guiness de ondas; ou Iker Martínez, bimedallista olímpico de 49º e regatista de vela oceánico.

Tamén haberá actividades abertas ao público para adultos e nenos. Poderás inscribirte a partir do venres día 9 desde as 17:00 h na caseta da organización e sábado desde as 10:00 h. Prazas limitadas!