John Stowell + Atlantic Bridge

Alberto Conde ten unha casa en Vitruvia. Desde que iniciamos o noso camiño en 2015, estivo presente no noso espazo un ano tras outro apostando por un lugar que vive por e para a música, por e para os músicos e por e para todo aquel que ama esta arte suprema. El soubo velo como ninguén e antes que ninguén e, por iso, o noso agradecemento é infinito e o noso piano é, por dereito propio, o seu outro piano. Tamén teñen aquí a súa casa Kin García e Miguel Cabana, un contrabajista e un baterista galegos que son dous músicos recoñecidos e admirados alí onde toquen, sexa aquí moi preto de casa ou sexa alá moi lonxe cruzando todas as fronteiras.

O guitarrista neoiorquino John Stowell visita Galicia cada ano transitando unha ponte que se estende a través do Atlántico desde Nova York a Galicia e que Alberto e estes músicos extraordinarios han construído para todos. A súa forma de tocar a guitarra cativou ao público de Vitruvia cada novembro de cada ano desde fai xa uns cuantos que non son poucos, pero que sempre serán insuficientes. Tamén en Vitruvia, John Stowell ten unha casa propia moi lonxe da súa Nova York. Como Alberto, como Kin ou como Miguel, que unidos forman o trío Atlantic Bridge, é un virtuoso do seu instrumento e con el logra transmitir a súa técnica prodixiosa a mozos músicos galegos que en cada clase mestra que imparte comproban asombrados como a súa man esquerda deslízase suavemente e sen esforzo aparente polo mastro da súa guitarra producindo un son cativador e envolvente. Unha referencia estética que sempre acompaña ao seu virtuosismo musical.

John Stowell e Atlantic Bridge visitan de novo Vitruvia este próximo xoves 09 de novembro ás 20:30 horas. Será un refuxio acolledor e emotivo ante tanto temporal que nos azouta tan insistentemente. Son músicos aos que é imposible non querer, cos que é imposible non gozar e cos que sempre necesitas repetir. Veñen xuntos de novo este ano, en 2023, e desde xa, antes de que soe outra vez o seu jazz supremo este xoves en Vitruvia, poñémonos a traballar no concerto do próximo ano, noutro novo novembro, pero de 2024.