Javi Maneiro

O cantante e compositor Javi Maneiro xira este mes de febreiro por teatros e salas de concertos de Galicia para dar a coñecer o seu cuarto álbum en solitario, Un bonito despertar. A Sala Masterclub acollerá o sábado 24, a partir das 22.30 horas, o directo do músico, xa recuperado do accidente cerebrovascular que sufriu no 2022. As entradas están á venda desde 10€ a través de www.enterticket.es, mentres que na billeteira do recinto o prezo será de 15€.

Maneiro visita este inverno os teatros e salas de concertos de Galicia presentar o seu novo disco en solitario, no que asume tanto a autoría da música coma das letras. Logo do lanzamento de Un bonito despertar no mes de maio e da estrea ao vivo na Sala Capitol en xuño, o músico por fin levará o seu novo directo a un total de sete localidades do país grazas ao apoio da Xunta de Galicia. Sobre o escenario, o cantante acompañarase dunha banda conformada por Manu Rey (batería), Pachi Cruz (baixo), Rubén Cores (guitarra), Fernando Calvo (Guitarra) e Iria Iglesias (teclados).