I love Rock&Roll

Tras o éxito dos dous últimos anos do espectáculo familiar ‘I LOVE ROCK AND ROLL’, con máis de 100.000 espectadores e unha extensa xira nacional que o levou con continuos sold outs polos principais teatros de máis de 15 cidades, Rock en familia aterra de novo no Auditorio Mar de Vigo para ofrecernos un espectáculo cheo de música e humor no que os máis pequenos da casa gozarán descubrindo a historia e as cancións máis representativas de AC/DC, Queen, Metallica, The Beatles, Iron Maiden e moito máis!

El Oso Rosendo é o anfitrión ideal para contar a toda a familia a historia e as máis divertidas anécdotas das bandas que nos fixeron amar o Rock and Roll e que marcaron a toda unha xeración.

«I Love Rock and Roll» é unha experiencia musical, familiar, interactiva e chea de adrenalina que non vos podedes perder. Ademais, agasallo seguro para todos os peques do poster do espectáculo.

“Nota: os menores de 0 a 2 anos non pagan entrada. Págase a partir dos 3 anos cumpridos”