Como parte das actividades desenvolvidas ao redor da exposición GUILLERMO MONROY presentada en SVT Espazo de Arte, convidámosvos á presentación desta publicación na que sinalados artistas, críticos e especialistas en arte contemporánea, propoñen un achegamento á obra de Guillermo Monroy, desde unha perspectiva estritamente contemporánea.

Guillermo Monroy é un artista fundamental dentro da historia máis recente da arte contemporáneo na nosa comunidade, historia viva que é necesario coidar e preservar. Así nace esta publicación, concibida para documentar un exercicio de memoria e unha chamada de atención sobre unha produción artística de extraordinaria calidade, que xa forma parte indisoluble do noso imaxinario colectivo.