Gael de Papel

Gael de Papel é un proxecto de música orixinal que viaxou dende o sur de Portugal ata a Galiza, e aquí quedou cantando historias e cancións en portugués, galego e castelán.

Soa un pouquiño a música folk mesturada con música antiga e con jazz, pero un pouco coma nunha boa sopa portuguesa, non se sabe moi ben o que leva porque está todo mesturado.

O que sí está claro, é que é un proxecto comprometido coas loitas pola xustiza social, e as cancións que se cantan e as historias que se contan abrazan como poden o transfeminismo, o antirracismo, as migracións dignas, a vida boa para todes.