'Tan cerca tan lejos' de Gabriela Ladrero Martín

Gabriela Ladrero Martin @art_sisal leva tempo reflexionando sobre a influencia da comunicación nas nosas vidas. O que nos separa e o que nos achega. Como inflúen as apertas, a empatía, o amor, o desamor, as xerarquías, a aporofobia, o edadismo, os prexuízos e estereotipos, a soedade, a hipocrisía, o ostracismo, os malos entendidos, os silencios…Poden marcar o noso camiño para sempre e sentir que o próximo afástase irremediablemente.

“Dende a dignificación do traballo feito coas mans, o meu camiño levoume a conectar coas fibras naturais e consideralas unha ferramenta moi útil para expresar as miñas inquedanzas”, explica Gabriela.

Gabriela Ladrero Martín adicouse durante moitos anos á ensinanza de técnicas téxtiles en centros culturais e impartiu cursos a profesores en movementos de renovación pedagóxica. Ademais, traballou coa experimentación en centros educativos co proxecto “O téxtil un medio de expresión”. Tamén participou en eventos de artesanía dignificando o traballo artesanal con materias primas sustentábeis, realizou exposicións de obras artísticas coas fibras naturais e creou dúas escolas de artesanía.

📆 Do 31 de outubro ao 29 de novembro

De luns a venres: 10:00–14:00, 16:00–21:00
Sábado: 12:00–14:00
Domingo pechado