G-Night: Ciencia no bar

A G-Night levará a ciencia a rúas, museos, praias e bares. No ano do seu décimo aniversario, a Noite europea das persoas investigadoras regresará este outono a Galicia con folgos renovados, da man dunha decena de universidades, centros e institutos de investigación, coordinados pola UVigo. Coa creatividadee a súa relación co coñecemento científico como eixo do evento, e baixo o lema Conciencias creativas.

Ciencia no bar

Esta actividade contará con intérpretes en lingua de signos.
Esta actividade requiere inscrición previa e a reserva de prazas ten que facerse por grupos: teremos 3 mesas de 2 persoas, 2 mesas de 4 persoas e 1 mesa de 6 persoas. Indícase así na ligazón de reserva de prazas.

Acompáñanos na cafetería Vitruvia e convidarémoste a unha consumición mentres escoitas aos nosos investigadores e investigadoras falar de temas apaixonantes:

• “Coñece as últimas investigacións dedicadas á protección do street art”, Iago Pozo
• “Por que comemos tan ben nas Rías Baixas?”, Esperanza Broullón
• “Dielselgate”, Raquel Orozco

20 prazas. Reserva a túa aquí.