Filmoteca: 'O autoestopista' de Ida Lupino

Dous amigos diríxense por estrada a México. Moi preto da fronteira, aceptan recoller un autoestopista. A lóxica cordialidade inicial dá paso moi rapidamente a unha tensión in crescendo. Os amigos, en medio de xogos macabros e doses de estraño sadismo, descobren que o viaxeiro é un perigoso psicópata. O cualificado primeiro filme adscrito ao xénero negro dirixido por unha muller, posúe elementos pioneiros –anticipa parte do cine de psicópatas que ha estoupar un par de décadas despois- nun itinerario intenso a modo de road movie, unha serie B de culto tan seca e directa como concisa e fluída.