Festival Sinsal Outono: 'Do acústico ao HASGS'

A esencia do Festival Sinsal persiste. Sinsalaudio recupera este mes de outubro unha das súas propostas sobranceiras, Sinsal Outono, un ciclo de concertos vinculados á experimentación e á creación contemporánea que se desenvolven en espazos singulares do municipio de Vigo. Este retorno á experimentación e á vangarda de Sinsal Outono explicítanse tamén na escolla dos espazos de desenvolvemento do ciclo, xa que a actividade se concentrará en dous recintos vinculados á creación na cidade viguesa: o Museo de Arte Contemporáneo, (MARCO), que acollerá as sesións sonoras e visuais, e o Conservatorio Superior de Música, no que terán lugar os parladoiros.

Sinsal Outono inclúe tamén dúas conferencias arredor da dimensión electroacústica e multimedia na música de nova creación.

O martes 2 de novembro ás 16:00h, terá lugar a charla aberta ‘Do acústico ao HASGS. Presentación do Hybrid Saxophone of Gestural Symbiosis’, co saxofonista Henrique Portovedo

Entrada de balde.

PROGRAMACIÓN

• Sábado 30: Conferencia ‘Perspectivas multimedia na música de nova creación’
• Domingo 31: Multiplensemble e Marta Verde & José Venditti
• Luns 1: Henrique Portovedo e Dead Line
• Martes 2: Conferencia ‘Do acústico ao HASGS. Presentación do Hybrid Saxophone of Gestural Symbiosis’