De Bach a Glass. E no medio, Händel, Schubert, Piazzolla, Beethoven, Pärt, Chopin e algúns máis. Non é música para uns poucos, é música para todos: divertida, variada, amena e emotiva. Tres séculos de talento, xenialidade e paixón nas mans de Vicus Mare & Ensemble. Hoxe, ás 20:30, nos xardíns da Praza de Compostela, sen a necesidade de pagar unha entrada e baixo un ceo que xa non ameaza choiva.