Festa presentación do GFFF

Este venres, 16 de setembro, a partir das 19:30h, a Galería Maraca (Doutor Cadaval, 12, Vigo) será escenario da festa de presentación da sexta edición do Galician Freaky Film Festival.

A entrada é libre e gratuíta e poderemos coñecer en primicia algunhas novidades desta edición, que se celebra o 23, 28, 29 e 30 de setembro e 1 de outubro no Auditorio do Concello e os Galicines da Praza Elíptica. O GFFF tamén preparou unha escolma con algunhas das mellores curtas proxectadas en 2021. Material de primeira calidade para quedar “co cu torcido”, como vén sendo seña da casa.