A banda viguesa Stoned At Pompeii aspira a representar a Galicia no Harley Davidson Euro Festival

Harley Davidson Galicia escolleu á banda viguesa Stoned At Pompoii para representalos entre todas as bandas de Galicia como a súa imaxe e banda sonora, para competir contra o resto de España, Italia, Francia e Portugal co obxectivo de estar presentes no Harley Davidson Euro Festival, un dos máis grandes de Europa que se celebra o mes que vén en Saint Tropez (Francia).

As votacións serán este venres. Harley organizou unha gran festa no seu concesionario de Vigo (Garaje Clandestino, na rúa Coruña, 68) para presentar a candidatura:

– Haberá cátering, bebidas e presentarase un vídeo en directo gravado coa colaboración de Harley Davidson.
– A partir das 20h serán as votacións para apoialos a nivel europeo. Para poder votar hai que acudir a calquera dos concesionarios Harley Davidson de Europa, incluído Garaje Clandestino Vigo..

Ademais sobre as 21:00 h, Stoned At Pompeii farán unha pequena actuación en directo no concesionario para todos os que se pasen a apoiar a candidatura.