marzo, 2019

18mar22:30Family FolksCONCERTO | 6,00 €22:30 La Pecera

Máis

Detalles do evento

Family Folks é o álter ego de Ruben Xuarez (Foggy Mental Breakdown, Os High Serras) e Bosco Hill (The Last But One). Dúas voces coñecidas da escena viguesa, dous artistas intrépidos que unen forzas a principios de 2015 para dar forma a unha quimera na que aproveitan a súa experiencia como instrumentistas (banjo, guitarra, mandolina, ukelele) e repártense a partes iguais voz e autoría de boas cancións seguindo a tradición de Jagger/Richards, Stewart/Lane, Danko/ Robertson e outros grandes binomios do rock.

En 2016 incorpóranse a Family Folks os irmáns Jorge e Martín López (The Allnight Workers, Dead Wood), como sección rítmica da banda, no que promete ser unha asociación de alta voltaxe. Nostálxicos e melómanos impenitentes, como dous barcos cargados de música chocando no medio do bulebule, este tándem de trobadores do rock regálannos unha visión moi persoal, cancións únicas para os que aínda cren nos sinais, na maxia da música.

En marzo de 2016 sae o seu primeiro LP, “ All the lost causes” editado polo selo Gaztelupeko Hotsak. Un disco atrevido, ambicioso, con sabor a clásico, música que che atrapa desde a primeira escoita. Unha viaxe musical desde a Costa Oeste americana ao corazón das Rías Baixas, unha viaxe con dose de Psicodelia e Pop luminoso, Country Folk sureño, Shanties portuarios e Rock británico dos sesenta na maleta. Un cóctel ben axitado, salvaxe e doce, unha embarcación de blues tabernero e rock anello, na que ondea sempre a bandeira negra do folk.

Hora

(Luns) 22:30

Lugar

La Pecera

Rúa de Pizarro, 35, 36204 Vigo, Pontevedra

X